Dead on arrival ti maysa a lalaki, kalpasan a nadungpar iti maysa nga SUV idiay along national highway, sakupen ti Barangay San Jose, siudad ti Candon.
Ti nagmaneho ti Yamaha sniper motorcycle ket agtawen ti tallo pulo ket upat, residente ti Barangay Nangalisan, Sta Lucia, Ilocos Sur.
Ti met drayber ti Hyundai Kona, ket lalaki nga agtawen ti limapulo, kalugan na ti maysa nga agtawen ti uppat a pulo ket dua, agpada nga security guard ken residente iti Las Pinas City.
Iti pannakiuman ti Bombo Radyo Vigan ken ni PLT Jovelyn Antalan, napan intulod ti nagmotorsiko ti kaanakan na iti pagadalan ket idi agawid kuman daytoy, nadungpar isuna ti SUV a nasabat na.
Segun ken ni Antalan, agpapa-amianan ti SUV a maoan idiay Cagayan idin nakadungsa ti drayber bayat a daldalyasaten na ti national highway a nagresulta ti pannakadungpar na iti motorsiklo.
Naipurwak ti drayber ti motorsiklo ket nagsagaba ti nakaru a pannakadunor ti ulo na, a dagus a naitaray iti balay pagagasan ngem naideklarar a dead on arrival.
Iti agdama addan iti kustodiya ti kapulisan ti drayber ti SUV para iti naan anay nga imbestigasyon.
