Plano ti National Bureau of Investigation (NBI) a mangipila ti kaso kontra kadagiti innem a pulo a tattao a nakemmeg iti maysa a mapapati nga illegal Philippine Offshore Gaming operator hub idiay Barangay Manay, Panabo, Davao del Norte.
Ti grupo ket pakairamanan iti limapulo ket innem a Chinese nationals, tallo a Malaysians ken maysa a Pilipina.
Segun ken ni NBI Davao director Archie Albao, manarimaan ti panang-assess ti ahensya dagiti kaso tapno maamoan nu ania a kaso ti maipila.
Mapagpalawag pay ti akin-kukua ti warehouse a nagbalin a POGO hub nu apay a naaramat ti sanikua para iti illegal activities.
Pinasingkedan ti NBI a ti POGO operation ket na-relocate manipod Luzon agingga Davao del Norte iti napalabas a tallo a bulan kalpasan ti crackdown kadagiti kapada nga establishyimento idiay Metro Manila ken central Luzon.
