Manamnama nga inton Abril 14 a panagdengngeg ti House Committee on Justice ti report manipud iti National Bureau of Investigation mainaig iti pinainget a seguridad ni Ramil Madriaga, dati nga aide ken napateg a testigo iti impeachment proceedings kontra ken ni Bise Presidente Sara Duterte.
Segun ken ni Lanao del Sur Representative Zia Alonto Adiong, inaprubaran ti komite ti mosion tapno papigsaen ti proteksion ken ni Madriaga.
Manamnama met ti panagsango na iti sumaruno a taripnong dagiti agpampanday linteg tapno malawlawagan dagiti isyu.
Pinasingkedan ni Adiong a crucial ti partisipasion ken testimonia ti testigo gapu ta naka-sentro daytoy iti Article II ken IV a nakapenpen a reklamo a nang-akusar ken ni VP Sara ti panagpasuksok kadagiti opisial ti Department of Education idi isu na pay laeng ti secretary ti ahensia.
