Nangipila dagiti supporters ni Bise Presidente Sara Duterte ti maikatlo a petision iti Supreme Court of the Philippines a mang-kweskwestion iti agtultuloy nga impeachment proceedings iti House of Representatives.
Segun kadagiti sangapulo ket uppat a petitioner, pakairamanan ni dati Commission on Higher Education (CHED) Commissioner Ronald Adamat, kayat da a kwestyonaran ti inawagan da a “constitutionally defective” a proseso a mabalin a maibilang a “political harassment” kontra ken ni Duterte.
Karaman pay iti nangipila ti petision dagiti miembro ti One Bangsamoro Movement ken sangapulo ket dua nga abogado nga idadauloan ni Jerryl Rondez-Layog.
Kiddaw ti petision a mangiruar ti Korte Suprema ti temporary restraining order (TRO) wenno writ of preliminary injunction tapno lapdan dagiti maisaysayangkat a proseso ti House Committee on Justice.
