Pinalagipan ti agpampanday linteg iti House of Represetatives ni Dr. Tony Leachon a tutukan laengen dagiti pasientena ken saan nga agpammarang nga eksperto iti ekonomiya.
Binalakadan ni Deputy Majority Leader ken Lanao del Sur Rep. Zia Alonto Adiong ni Leachon gapu iti agtultuloy a panawagan ken karitna ken ni Executive Secretary Ralph Recto nga agikkat iti serbisyo.
Inanamungan met dayta ni House Committee on Good Government and Public Accountability chairman ken Manila Rep. Joel Chua isu nga awan iti karbenganna a makiraman iti patangan iti value-added tax (VAT).
Immunan nga impaganetget ni Leachon a kasapulan nga ag-resign ni Recto gapu iti pannakapaayna nga ibaba ti value added tax ken dadduma pay nga isyu nga awan ti pakainaigan iti propersyon iti nasao a doktor.
