Pinasingkedan ni Bicol Saro Party-list Rep. Terry Ridon a ti impeachment process kontra ken ni Bise Presidente Sara Duterte ket nainget a maibasar iti pagannurotan ken natibker nga ebidensia.
Segun ken ni Ridon, nakasaganan ti Kamara a depensaran ti proseso da iti patas ken legal nga addang no kas bilang iyuli ti kampo ni VP Sara iti Korte Suprema.
Binabalaw ti opisial dagiti alegasion a dagiti reklamo ket basar iti spekulasion.
Dinakamat ni Ridon ti konkreto a basaran kas ti report manipud iti Commission on Audit mainaig iti P70 milyon disallowed confidential funds, kasta met ti Statement of Assets, Liabilities and Net Worth (SALN) ni Duterte.
Impasigurado pay ti opisial a masur-surot ti due process ken maik-ikkan ti gundaway ti bise presidente a sumungbat iti tunggal paset ti panagdengngeg.
