Natalek ni Bicol Saro party-list Rep. Terry Ridon a kitaen ti senator-judges dagiti ebidensya a maipresentar iti impeachment court tapno makaaramid iti mayannatup a sentensia ken ni Vice President Sara Duterte.
Segun ken ni Ridon, nakasaganan ti prosecution panel iti maisayangkat a trial ken nagudua-gudua dagiti alegasyon kontra iti bise presidente.
Kinuna ni Ridon nga isuna iti agiggem ti isyu iti saan a maipalawag a baknang ken madi a panagaramat ti confidential funds.
Ti Article I ket maipanggep iti mapapati a madi a panagaramat ti confidential funds nga adda pakabuklan a gatad a P612.5 million iti salinong ti Office of the Vice President ken Department of Education.
Ti Article II met ket maipanggep ti saan a maipalawag a baknang ni Duterte ken ti saan a panagpada ti Statement of Assets Liabilities and Net Worth (SALN) ken ti panangpatalinaed iti interest-na iti sumagmamano a negosyo uray isunan ket bise presidente.
