--Ads--
Aminado ti National Bureau of Investigation a maysa a karit kadakuada ken dagiti dadduma pay nga ahensia ti gobierno ti kinaadu ti kuarta, tao, ken resources ni Atong Ang.
Agingga ita ket saan pay laeng a nasapulan ti nasao a negosiante nga isu ti mainanaig iti kaso dagiti mapukpukaw a sabungero.
Segun ken ni NBI Asst. Director for Investigation Service Rommel Vallejo, uray no ammoda nga adu ti resources ni Ang ket saan a daytoy ti lapped kadakuada tapno makemmeg ti business tycoon.
Innayon ni Vallejo nga agtultuloy a kitkitaen dagiti tracker team-da dagtiti sanikua ken known address ni Ang, saan laeng nga iti Metro Manila, no di ket uray kadagiti kabangibang a probinsia.
-- ADVERTISEMENT --
