Inkari ti gobierno iti Japan nga itultuloyda ti suportar iti panangiduron ti circular economy iti Pilipinas kas tignay iti parikot iti plastic pollution iti pagilian.
Segun ti Embassy of Japan in the Philippines, paingetenda ti partnership iti Manila ken Tokyo tapno maiduron ti modelo a circular economy, a dagiti produkto ket mairecycle ken maaramat manen ken makissayan ti basura.
Kinuna ni Japanese Ambassador Endo Kazuya, narigatan pay ti Japan ti isyu ti waste management ken binigbigna a maysa a global challenge.
Suportaran ti Envoy iti Japan ti Pilipinas iti panangmanehar ti marine plastics pollution kas paset iti nalawlawa nga international cooperation.
Tultulongan iti Japan dagiti siudad kas iti Pasig babaen ti programa nga “Accelerating Nationally Determined Contributions through Circular Economy in Cities” nga ipatpatungpal ti United Nations Development Programme (UNDP).
Karaman dagiti addang nga idurduron iti Department of Environment and Natural Resources (DENR) ken environmental groups ket ti Extended Producer Responsibility Act a mangdusdusa kadagiti kompania nga agar-aramat iti plastic packaging.
