Nakatuding nga agbiahe ni Presidente Ferdinand Marcos Jr ken First Lady Liza Araneta-Marcos idiay Japan para iti uppat nga aldaw nga state-visit, mangrugi inton May 26 agingga May29.
Inawat ti presidente ti imbitasion manipud gobierno ti Japan a naikeddeng a makipagkita kenni Emperor Emeritus Akihito ken Empress Emerita Michiko ti Imperial Palace.
Segun ti Presidential Communications Office, maaddaan ti summit meeting ti presidente ken Prime Minister Takaichi Sanae a manamnama a mapagpapatangan ti strategic partnership ti Pilipinas ken Japan ken dagiti napapateg nga isyu nga adda pakainaiganna iti enerhiya ken seguridad iti taraon kas ta pay ti maritime security.
Naikeddeng pay a makipagkita ni presidente Marcos kadagiti darakkel a business group tapno makaala ti nayon a puonan ti pagilian.
Karaman pay iti agbalin nga schedule ti presidente a makipagkita iti Filipino community idiay Japan.
