Pinatibker ti Supreme Court ti life imprisonment ken P5 million a muelta kontra ken ni Elizabeth Espiritu Mendoza gapu iti large-scale illegal recruitment.
Iti panngeddeng nga insurat ni Associate Justice Raul Villanueva, napaneknekan a nangallukoy isuna kadagiti aplikante para iti trabaho idiay Japan ken nagkari iti nangato a sueldo ken benepisyo ken nagsingir iti P15,000 agingga P45,000 uray awan ti lisensya manipod Philippine Overseas Employment Administration.
Nasurok 12 a biktima ti nagtestigo a saan a natuloy ti naikari a trabaho uray nakabayad ken nakapasadan kadagit requirements.
Impaganetget ti Korte nga umdas ti agpapada a testimonya tapno mapaneknekan iti panangloklokona.
Saan a napati ti depensa ni Mendoza nga aplikante laeng ta naammoan nga aktibo isuna a nangallukoy, nagkolekta iti bayad ken nagpayam-ammo a kabaelanna iti agipatulod iti mangmangged idiay abroad.
Immunan a sinentensyaan isuna ti Regional Trial Court ken inanamungan ti Court of Appeals of the the Philippines sakbay a pinatibker iti Korte Suprema.
