Nangipila ti petision dagiti sumagmamano nga abogado iti Korte Suprema kontra ken ni Senate President Vicente ‘Tito’ Sotto III.
Inreklamo da Atty. Ferdinand Topacio, Atty. Manuelito Luna, Atty. Harold Respicio ken dadduma pay ni Sotto gapu kadagiti komento na nga adda pakainaiganna iti napalabas a resolusion ti Korte Suprema mainaig iti impeachment complaint kontra ken ni Bise Presidente Sara Duterte.
Partikular nga impilana da ti opisial ti petition for indirect contempt gapu ta mamati da a saan nga in-respeto ni Sotto iti decision ti Korte Suprema.
Pinasingkedan ni Atty. Ferdinand Topacio a dagiti napalabas nga statement ti senador ket naka-apekto iti imahe ti Supreme Court.
Innayon pay ni Topacio a dagituy a klase ti statement ket madi ken saan a maakseptar aglalo ta ni Sotto pay ti mangidadaulo ti Senado.
No kas bilang a maibilang a guilty iti indirect contempt ni Senate Presidente Vicente Sotto III, mabalin isuna a sumango iti P309, 000 a multa ken posible a mabalud ti innem a bulan.
