Pagpalpalawagen ti Korte Suprema ni Senate President Vicente “Tito” Sotto III mainaig iti petision nga agkidkiddaw nga isuna ket ma-cite iti indirect contempt gapu iti maipagarup nga statement a mangkwes-kwestion iti nagbalin a decision ti Korte Suprema idi 2025 iti impeachment complaint kontra ken ni Vice President Sara Duterte.
Iti resolusion a nairuar idi Abril 8 ken nai-publiko idi kalman Mayo 4, naikkan ni Sotto ti 10 nga aldaw tapno agipasa ti sungbat-na.
Impila ti petision dagiti sumagmamano nga abogado ken personalidad a nangibaga a ti statement na ket mabalin a makadadael iti talek ti publiko iti hudikatura.
Dinakamat dagiti petitioner ti nagbalin a decision ti Korte Suprema a nangibasura ti impeachment complaint gapu iti maipagarup a panaglabsing iti one-year rule ken iti karbengan iti due process.
Segun kadakuada, maipagarup a naglabes iti “fair commentary” dagiti nagbalin nga statement ti opisial ken mabalin a makaapekto iti dignidad ti Korte.
Depensa met ni Sotto a maysa laeng daytoy a “nuisance suit” ken publicity stunt.
