Patien ti batikano nga abogado a ni Atty. Jojo Lacanilao a mabalin a piliten a dumar-ay ni Vice President Sara Duterte iti sumagmamano a gundaway tapno sungbatan iti sumagmamano a kontrobersyal nga isyu a nakaipauneg iti impeachment complaint kontra kenkuana.
Segun ken ni Lacanilao, no man pay undas ti presensia dagiti abogadona wenno mangibagi tapno sumango iti korte, adda dagiti gundaway a mailawlawag a mismo ni VP Sara ti konteksto iti sumagmamano nga isyu kangrunaan ti tax record ken financial capacity-na ken pamiliana.
Segun ti abogado, mabalin a piliten a dumar-ay ni Duterte tapno pagpalawagen no apay nga agduduma ti tax record-na ken iti pudno a baknangna, karamanen ti bank transactions nga umabot iti sumagmamano a bilion kas maibasat iti immunan a naipakita iti House Justice Committee hearings.
Ti nasao nga isyu, maawatan iti publiko no mismo a ti bise presidente iti agpalawag.
No pay kasta, ti panangpilit ti bise presidente a dumar-ay et nakadepende latta iti panagpresenta ti House prosecution panel iti argumentoda ta isu iti pagbasaran ti impeachment court ti agbalin a pangngeddengna.
