Nakasaganan ti House Prosecution Panel a sangoen ken sukisoken dagiti testigo nga ipasango ti kampo ti depensa iti agtultuloy nga impeachment trial kontra ken ni Vice President Sara Duterte.
Pinasingkedan ni Atty. Hez Montalan, deputy spokesperson ti prosecution panel, nakasaganan ti grupo da nga isayangkat ti cross examination tapno sukisoken ti kredibilidad dagiti testigo ken ti pakainaigan daytoy kadagiti alegasion kontra iti bise presidente.
Impaganetget ni Montalan a kalaksidan iti direkta a panagsaludsod, nakasagana pay ti prosekusyon a mangipila ti maiyannatop nga objection kontra kadagiti saludsod wenno kuwestionable nga argumento, kasta pay dagiti saan a maitunos a pagannurotan ti impeachment proceedings.
Innayon pay ti opisial a napateg a mapagtalinaed ti kinaurnos ken panangsurot iti patakaran ti impeachment court tapno masigurado ti pa9tas ken transparent a panangiruar ti kinapudno mainaig iti kaso.
