Pinatgan ti Senate Impeachment court ti kiddaw ti House prosecution panel nga ipa-subpoena ti financial records, bank records, Anti-Money Laundering Council (AMLC) reports ken tax documents ni Vice President Sara Duterte, asawana a ni Manases Carpio ken dagiti negosyo a maikonkonektar kadakuada.
Ti pangngeddeng ket imbasa ni Senate impeachment court presiding Sen. Francis Chiz Escudero iti maikapito nga aldaw ti impeachment trial ti bise presidente.
Ti nakiddaw a rekord ket adda pakainaigan iti alegasyon a saan a maipalawag a baknang iti salinong ti Article II iti impeachment complaint kontra ken ni Duterte.
Segun ken ni Escudero, saan dayta nga umuna a gundaway nga inadal ti bank records iti impeachment trial.
Iti impeachment trial ni dati a Chief Justice Renato Corona, pinatgan pay ti Senate impeachment court ti kiddaw ti prosecution para iti panagala ti bank records ni Duterte, asawana ken dagiti negosyoda.
Pinatgan pay ti korte nga ipaala ti financial records manipod 2007 agingga 2021 ken imbasura ti argumento ti depensa a dagitoy ket ‘prior team’ records ngem nalawlawagan a mabalin nga aramaten a pagbasaran ken saan a mangipastrek ti baro nga impeachable offenses.
Kabayatanna, pinatgan ti korte ti panagadal ti bank records iti asawa ni Duterte a ni Carpio gapu ti financial record nga adda pakainaiganna ta obligado dagiti agasawa a mangibutaktak ti asset-da iti salinong ti Republic Act 6713.
