--Ads--
Kayat ti Malakanyang nga iyatiddog ti imbestigasyon mainaig iti kaso dagiti mapukpukaw a sabungero.
Ti addang ket kalpasan nga imbutaktak ti Department of Justice (DOJ) a maibasar iti naawat nga impormasyon ket possible a konektado iti dadduma a tattao a datin a karaman iti war on drugs iti Duterte Administration iti misteryo a pannakapukaw dagiti sabungero.
Segun ken ni Palace Press Officer Claire Castro, suportaran ni Pres. Ferdinand Marcos Jr. ti pannakayatiddog ti imbestigasyon tapno maammoan iti sakup ti kaso.
Inlawlawag ni Castro a saanda nga ideklarar nga adda guilty iti kaso ngem impatangken ni Pres. Marcos a maipaayan ti hustisya dagiti biktima.
-- ADVERTISEMENT --
