Nauram ti maysa a pagtaengan idiay Sitio Upper Zigzag, Barangay Malaya, Cervantes, Ilocos Sur idi kalman May 13, 2026 iti alas otso dose iti rabii.
Ti akinkukua iti pagtaengan ket ni Arnold Delmas Agusdan Jr., agtawen iti tallopulo ket dua, laborer nga agnaed iti nasao a lugar.
Nakaawat ti Cervantes Municipal Police Station iti tawag manipod concerned citizen maipanggep ti nasao nga uram iti lugar isu nga insigida a nagresponde dagiti kameng ti Bureau of Fire Protection ken PNP.
Iti inisyal nga imbestigasyon, nangrugi ti uram iti second floor iti pagtaengan a naaramid iti kayo ken dadduma pay a light materials.
Naammoan a nagtaud iti uram iti faulty wiring a nakakamang iti wooden frame iti corrugated roof.
Mapatta-patta a P350,000 ti gatad iti nauram a pagtaengan karamanen dagiti appliances ken personal nga alikamen ken uppat pay a motorsiklo a nakaparking iti sango iti pagtaengan iti nairaman a kukua ti karrubana a mapatta-patta nga aggatad iti P175,000.
Kabayatanna, awan ti nadangran iti nasao a pasamak.
