VIGAN CITY – Nakiladingit ni Ilocos Sur Governor Ryan Singson iti pamilya ti suldado a taga Galimuyod, Ilocos Sur a natay kabayatan iti rinnupak idiay Marawi City.
Segun kenni Gov. Singson, bigbigen iti gobierno probinsiyal iti kinabannuar ni Private First Class Elmer Anno a taga Brgy. Rubio a nangisugal iti biag na tapno matungpal iti obligasyon na iti pagilian.
Kinondenar ni Singson iti panagraut tiMaute Terror Group iti Mindanao nga iti kakaruan nga apektado ket dagiti inosente a sibilyan.
Gapu iti daytoy, inbaga ni Singson a panawenen tapno agkaykaysa iti amin iti panangsuporta iti Martial law nga indeklara ni Pres. Rodrigo Duterte tapno magun-od iti linak ken talna.
Maipalagip nga idi kalman ket naisangpeten iti bangkay ni PFC Anno manipud iti Fort Bonifacio.
Naulia ni PFC Anno iti asawa na a ni Carmi ken ti dwa nga annak na a babai nga agtawen ti tallo ken maysa.
