VIGAN CITY – Awan pay iti kumpirmado a kaso ti coronavirus disease 2019 ditoy probinsiya, dayta iti bugas iti panagsarita ni Governor Ryan Singson idi kalman iti kangitingitan iti panagpanic wennu panagdanag dagiti tattao gapu iti umad-adu a bilang dagiti pasyente nga adda COVID na ditoy pagilian.
Tapnu masigurado iti agtultuloy a kinatalged iti probinsiya kontra ti virus, inbilin ni Singson iti pannakaipasardeng amin a mass gatherings ken dagiti aktibidad a paga-aduan dagiti tattao.
Manipud tatta nga aldaw, March 13 agingga inton April 12 ket awan iti serrek ti amin nga agad-adal iti aniyaman a level dagiti pribado ken pampubliko a pagadalan.
Maawatan ti gobernador iti panagamak iti publiko ngem inbilin na a saan a gulpiyen dagiti gatangen a face masks ken alcohol tapnu adda iti gatangen dagiti dadduma.
Kabayatanna, mapagpapatangan to pay nu aniyan to iti mapasamak nu maipatungpal ti bilin ti Civil Service Commission a 4-days work week kadagiti empleyado iti gobyerno inaig pay laeng ti COVID- 19.
Maibasar iti kaudian a report, addan ti 4 a persons under investigastion ket adda met iti nasurok nga innem a pulo a persons under monitoring ditoy probinsiya.
