Inlawlawag ni International Criminal Court (ICC) Assistant to Counsel Kristina Conti a saan a ti gobierno ti Pilipinas nu diketdi mismo nga ICC iti makaammo kadagiti magastos dagiti agsarita iti agdama a proceedings kontra ken ni dati a President Rodrigo Duterte.
Segun ken ni Conti, nainget ti ICC nu maipanggep ti witness qualifications ken naing-inget pay nu karamanda iti witness protection program.
Inallukoyna dagiti supporter ni Duterte a liklikanda a babalawen dagiti biktima ta saan nga ang-angaw iti panagtestimonyada iti international tribunal.
Kinunana a saan a maibilang a turista dagiti agtestimonya gapu iti limitasyon ti schedule ken garawda ta maibilangda a freeloaders kagiddan ti pannakapukaw ti pagsapulan, security threats ken psychological trauma.
