--Ads--
Idurduron dagiti prosecutor ti International Criminal Court a mangrugi inton Nobiembre 2026 ti trial kontra ken ni dati a Presidente Rodrigo Duterte mainaig iti kaso a crimes against humanity.
Segun iti prosekusion, kasapulan pay ti panawen tapno maisagana a naimbag ti ebidensia ken dagiti dokumento sakbay a rugian ti trial.
Kabayatanna, kayat dagiti abogado dagiti biktima a nasapsapa a marugian, posible nga inton Setyembre, tapno mapadaras ti proseso ken maikkan gundaway dagiti biktima a makipaset.
Impaganetget ti depensa ni Duterte ti patangan iti salun-atna, ket segun iti abogadona a ni Peter Haynes, nasken a makita no kabaelan ti dati a presidente ti sumango iti trial gapu iti kimmapsut a salun-atna.
-- ADVERTISEMENT --
