Makaawat ti dagus a tulong pinansyal dagiti miembro ti Government Service Insurance System (GSIS) kalpasan a nairusat ti maysa a modified a tallo a bulan a loan moratorium kas sungbat iti kumarkaro a tension idiay Middle East.
Imbes a ti naka-ugalian a panangpasardeng ti panagsingir, indatag ti ahensia ti Balik Ginhawa Program.
Babaen daytoy, direkta nga isubli ti GSIS iti accounts dagiti aprubado nga aplikante ti tallo a bulan a gatad ti load payments da kas maysa a lump sum.
Sakop ti nadakamat a refund ti panawen manipud Disiembre 2025 agingga Pebrero 2026.
Inlawlawag ti GSIS nga iti salinong ti baro a mekanismo, agtultuloy latta ti salary deductions dagiti miembro ngem mapa-atiddog ti kabuklan a loan term ti nayon a tallo a bulan nga awan ti maipataw nga interes wenno penalties.
