Inallukoy ni Senador Sherwin Gatchalian ti Social Security System ken ti Government Service Insurance System a palawaen pay ti loan wenno pautang kadagiti miembroda tapno makagatangda iti electric vehicle iti baet ti nangina a presio ti krudo.
Mamati ni Gatchalian a ti nasao nga addang ket ipasiguradona ti naparpardas a transition wenno panagakar iti panagaramat kadagiti electric vehicle tapno makatulong iti panangkissay ti panagbalin a dependent ti pagilian iti panagaramat iti imported a fuel.
Segun iti senador, adu dagiti mangayat a makagatang iti electric vehicle ngem saanda a makagatang gapu iti nangina a presiona.
Ngem no adda loan facility para iti panaggatang iti electric vehicle ket matulongan dagiti umili ita a marigatan iti nangina a presio ti gasolina ken diesel.
