Napprubaranen maikatlo ken maudi a pannakaibasa iti House of Representatives ti gakat a mangyatiddg ti agingga innem a tawen a termino dagiti Barangay ken Sangguniang Kabataan Officials manipod iti dati a tallo a tawen.
Iti panagbibinnotos ket 153 a kongresista iti nagaprubar ti House Bill 11287, uppat iti saan a pimmabor ken maysa iti nag-abstain.
Nakalanad iti gakat a ti synchronized Barangay ken Sangguniang Kabataan elections ket mapasamak tunggal innem a tawen iti maikadua a Lunes iti Mayo a mangrugi inton 2029.
Awan met dagiti elective officials iti agserbi iti nasurok dua nga agsaruno a termino iti isu met la a posisyon idinto nga awan ti Sangguniang Kabataan officials iti agserbi iti nasurok matsa a termino.
Ti nasao a gakat ket intuding ni House Speaker Martin Romualdez ken dadduma pay a lider iti Kamara.
