Opisial nga innaganan ti House of Representatives dagiti miembro ti prosecution panel nga agserbi a mang-depensar iti Articles of Impeachment kontra ken ni Vice President Sara Duterte iti umadani a trial iti Senate impeachment court.
Karaman iti nadutokan nga House prosecutors da Representatives Gerville Luistro, Keith Flores, Bel Zamora, Lorenz Defensor, Joel Chua, Leila de Lima, Chel Diokno, Terry Ridon, Rodge Gutierrez, Kaka Bag-ao, ken Lordan Suan.
Segun iti liderato ti Kamara, ti grupo ket nabilin nga ipasango ken depensaran ti Articles of Impeachment iti Senado no ag-convene kas impeachment court.
Manamnama nga agbalin a nasayaat ti panang-tratar kadagiti alegasion kontra iti bise presidente, bayat a nagpanawagan dagiti agpampanday linteg ti patas ken transparent a proseso iti panagdengngeg.
