Nagballaag ti United Nations special rapporteur on freedom of opinion and expression a ni Irene Khan a nadaras a bumassit ti espasyo para iti freedom of expression iti adu a pagilian gapu ti akem dagiti gobierno, dadakkel a kompania ti teknolohia ken artificial intelligence.
Iti kaudian a report ti United Nations Human Rights Council idiay Geneva, kinuna ni Khan a ti waya-waya iti opinion ken expression ket privatized, monetized, manipulated ken unlawfully restricted.
Segun kenkuana, gappuanan pay dayta iti panagkapsot ti waya-waya iti pananginaig ti interest ti estado ken dadakkel a korporasyon, a pakaar-aramatan ti bileg ti politikal ken economic tapno maimpluwensyaan ti regulasyon ti AI ken digital platforms.
Binabalawna pay ti napalus a bileg ti dadakkel a tech companies, nga adda impluwensya iti ad-adu pay gobierno ken awan ti umdas a sungbat iti publiko.
