Microsoft, nagsublin iti serbisio kalpasan ti mas service outage

Inpakaammo ti Microsoft idi Sabado a naisublin ti serbisioda kalpasan iti nainlubongan nga outage a nangapektar kadagiti negosio ken serbisio publiko iti intero a lubong.

Dagiti apektado a serbisio ket mairaman ti Outlook, MS Teams ken Copilot AI assistant gapu iti nangato a karga kadagiti imprastruktura da.

Naapektaran iti glitch dagiti agus-usar manipud iti 74 a pagilian, pakairamanan ti Pilipinas, a nakaigapuan ti pannakataktak ti trabaho dagiti empleado iti IT, BPO ken corporate sectors.

Kagiddan iti dayta, namakdaar ti Microsoft kontra iti phishing campaign a mang gundaway iti outage babaen ti panangipatulod na kadagiti peke nga email nga agpammarang nga opisial a pakaammo ti kompania.