Pinirmaan ni Presidente Ferdinand Marcos Jr. ti Executive Order No. 131 tapno mapatibker ti Artificial Intelligence (AI) Governance Framework kas nasional a suporta iti panangimaton ken panagdur-as ti AI iti pagilian.
Pakairamanan daytoy ti National Artificial Intelligence Council (NAIC) a mangimaton ti pannakaipatungpal ti framework ken mangikoordinar kadagiti pagalagadan, pagannurotan, ken programa para iti AI.
Ti framework ket naibasar iti National AI Strategy for the Philippines a naaprobaran idi Mayo 2025 kas suporta para iti responsable ken natalged a panagdur-as ken panagusar ti AI.
Segun ken ni Palace Press Officer Undersecretary Claire Castro, panggep ti bilin a siguraduen a natalged, responsable, ken etika ti pannakausar ti AI ken addaan daytoy iti konkreto a pagimbagan para kadagiti trabahador, negosio, komunidad, ken iti intero a pagilian.
