Dinayaw ni Bise Presidente Sara Duterte ti Korte Suprema gapu iti panangikkatda iti sumagmamano a probision ti national budget ken impapilitna a rumbeng a sungbatan ti administrasion ni Presidente Marcos ti mapapati a saan nga umiso a pannakausar ti pondo ti publiko.
Pinagduaduaan ni Duterte ti akem ti Bicameral Conference Committee ket impatalgedna a kasla pasurot laeng daytoy ti kayat ni Malakanyang iti pannakabukel ti nasional a badyet.
Kinarit ni Duterte ni Presidente Ferdinand Marcos Jr. nga ilawlawagna no apay a pinirmaanna ti badyet a mapapati a saan a maitunos iti isingasing ti administrasion a National Expenditure Program.
Inwaragawag ti Malakanyang nga ipila ti gobierno ti motion for reconsideration ti desision ti Korte Suprema ken impatalgedna a nabayagen nga adda ti pannakausar ti sobra a panagkolekta iti buis para kadagiti saan a naiplano nga alokasion.
via Bombo Cyrelle Ann Rosario
