Irusat ti Department of Education (DepEd) ti Digital School Safety Campaign tapno protektaran dagiti estudyante kontra kadagiti pangta iti online ken maitandudo ti responsible ken natalged a panagusar ti digital platforms dagiti estudyante, mangisursuro ken nagannak.
Segun ken ni Presidential Communications Office (PCO) Undersecretary ken Palace Press Officer Claire Castro, paset daytoy iti agtultuloy a tignay ti DepEd a siguradoen ti kinatalged ken pagimbagan dagiti estudyante iti intero a pagilian.
Iti salinong ti panangidaulo ni DepEd Secretary Sonny Angara, gagem ti kompania a papigsaen ti ammo dagiti estudyante maipapan iti pangta iti internt ken masurwan da iti praktikal nga addang tapno agbalin da a responsible iti panagaramat dagiti digital platform.
Karaman iti matratar ket ti natalged a pannaki-chat ken online behavior, grooming ken online child exploitation, cyberbullying ken online harassment, privacy, scams, kasta pay ti panangsalaknib iti personal nga impormasion.
