Kinumpirmaran iti Malakanyang a nakasoan uray ti Pilipino a videographer a kadua ti Russian vlogger a ni Vitaly Zdorovetsky iti panangaramid ti kontrobersyal a vlog a nangaramidanna iti harassment kadagiti dadduma a Pilipino.
Segun ken ni Palace Press Officer Claire Castro, nabigbig ti videographer a ni Christopher Dantes alyas Sly Kane a nakasoan ti unjust vexation ken panaglabsing ti Republic Act 10175 wenno Cybercrime Prevention Act ken Republic Act 9995 wenno Anti-Photo and Video Voyeurism Act ken dadduma pay maipanggep iti linteg.
Dayta ket adda naipataw a pannusa a tallopulo nga aldaw a pannakaibalud wenno multa.
Inlawlawag ni Castro a saan pay a mangiruar ti arrest warrant kontra ken ni Dantes ta maikkan ti gundaway a depensaranna iti bagina.
Kinunana a dayawen ti Marcos Administration ti due process ken karbengan iti tunggal maysa a mangisalakan ti bagida.
