Nakipaset ni Edu Manzano kadagiti internet user iti panangibingay ti pannakadismayana iti mapapati a korapsyon iti flood control projects babaen kadagiti satirical content.
Ti isyu ti korapsyon ket nabara a patangan ita gapu ta sumagmamano a user, pakairamanan dagiti celebrity ken personalities iti mangtultulad iti nagastar a lifestyle dagiti annak dagiti politiko ken major contractors a naawagan a “nepo babies”.
Nagpanawagan ni Manzano babaen ti satirical content iti AI-generated photos-na a trending ita iti online.
Immuna a nag-post iti ladawanna a nakasuot kas engineer a bimmisita iti construction sites nga adda sign a mabasa a “Funds at Work”, ket in-captionna nga isun ti makaammo ti roat to forever a Bill, Bill, Bill.
Sabali pay ti ladawanna nga adda iti agkakangina a lugan a nagkunaanna a maikadua nga aldawna iti trabaho ngem agingga maikadua a biag iti budgetna.
Iti maikatlo a ladawan kety nakasuot iti tux a nakaiggem ti payong ni Manzano ken adda iti sign a mabasa a Ghost Bridge under construction iti background-na.
Idi kalman ket imbingayna pay ti maysa pay nga AI-generated photo nga adda iti agkakangina a hotel room ket sangsangwenna iti agkakangina a kape, tinapay ken bag ken nangkablaawanna kadagiti agbubuwis ken impakammona nga awan iti site visit anapananna isu nga awan iti stress.
Gapu kadagiti postna ket adu iti nagreact a nagkatawa ngem adu met dagiti maladingitan gapu iti mapaspasamak a layos iti pagilian gapu kadagiti napaay a flood control projects.
