--Ads--
Kinarit ni Senador Rodante Marcoleta nga ilawlawag ni dati nga Speaker Martin Romualdez mainaig iti maipagarup a maanomalya a flood control projects gapu ta kasla immado ti saludsod ngem nalawagan ti publiko.
Pinasingkedan ni Marcoleta a napateg a sukisoken ti video statement ni Romualdez aglalo ta maipagarup a pito a bulan daytoy a nagulimek kalpasan a nairaman iti alegasion.
Segun ti senador, saan a naan-anay ti palawag ni Romualdez nga in-respeto na laeng ti proseso ti linteg isu a nagulimek isuna.
Impaganetget ni Marcoleta a ti respeto iti proseso ket saan a selective, masapul daytoy nga adda buo a kooperasion ken transparency aglalo ta kuwarta ti pagilian ti pagpapatangan.
-- ADVERTISEMENT --
