VIGAN CITY- Nalmes idiay Abra river, Barangay Roais, Vigan City ni Johnny Astrologio ,agtawen ti 49 ,baro , construction worker ken taga Rugsuanan, Vigan City.
Segun iti nakakita ti insidente a ni Leonides Salvador a taga Ampandula ,Santa, madama nga agiwaywayat ta napan nagkalap idi nakita na ti biktima a bimmatok ngem nasdaawen ta saan a limmung-aw.
Gapu iti buteng na ket inakas na nga insigida ti sigay na ket nagawid tapno maireport ti napasamak .
Kabayatanna , segun kenni Jordan Soria ti Vigan City Disaster Risk Reduction and Management Council, idi napan da nagresponde ket nadanunan da ti biktima a nadamg-eg ti bado nan a pakailasinan a nabayagen a naibangkag ket insigida nga in- CPR da sakbay da nga intaray idiay Ilocos Sur Provincial Hospital Gabriela Silang ngem naideklarar a dead-on-arrival.
Iti sabali a bangir, nalmes met iti swimming pool idiay Ban-aw Resort, Barangay Bagani Gabor, Candon city ni Martin Genesis Andia ,agtawen ti 5 ken taga Bulag Centro ,Bantay
Naitaray idiay Candon City Hospital ti biktima ngem naideklarar a dead-on-arrival babaen iti attending physcian a ni Dra. Lyn Rrad.
