VIGAN CITY- Naiserbi ti warrant of arrest kadagiti dua a tattao gapo iti kaso a falsification of Public Document.
Nakemmeg idiay Brgy Poblacion Norte, Santiago ni Evangeline Cuizon, agtawen iti uppat a pulo ket tallo, naasawaan, empleyado ti munisipyo a taga Brgy Mambug, Santiago idinto a nakemmeg met idiay Brgy Poblacion, San Esteban ni Marites Miranda, agtawen iti limapulo ket tallo, naasawaan, taga-Brgy San Roque, Santiago.
Ti warrant of arrestda ket agpada a napetsaan idi December 19,2023 nga inparuar ti Presiding Judge of Municipal Trial Court in Cities, First Judicial Region Vigan ken narekomendaranda ti sagtallopulo ket innem a ribo a pisos a gatad ti pyansa para ti temporaryo a pannakawaya-wayana.
Iggemen dagiti otoridad dagiti akusado para iti documentation sakbay a maipaima iti korte.
