Nakemmeg dagiti dua a lalaki iti naisayangkat a buy-bust operation idiay Candon City, Ilocos Sur.
Segun ti Candon City Police Station, dagiti suspek ket maysa nga agtawen iti tallopulo ket walo, construction worker nga agnaed iti siudad ti Candon idinto a ti kaduana ket painter nga agnaed idiay Quezon City.
Ti pannakakemmeg dagiti suspek ket gappuanan iti pannakaala iti drug evidence a 0.3 iti mapapati a shabu nga aggatad iti P2,040 a naipan iti maysa a heat-sealed small transparent plastic sachet a nagserbi a buy-bust item.
Dagiti non-drug evidence a naala kadakuada ket maysa a piraso iti nalukot a foil a mapapati nga addaan ti white crystalline substance residue, dua a piraso iti sangaribo a pisos, maysa a piraso iti 500 peso bill buy-bust money, maysa a piraso iti lighter, dua nga stick iti sigarilyo, maysa a piraso iti nalukot a foil, maysa a company ID, ken kuarta a P1,206.
