--Ads--
Agtalinaed latta iti pagbaludan ni dati a Negros Oriental Rep. Arnolfo Teves Jr. uray pay pinalubosan ti Manila Regional Trial Court (RTC) a maka-piyansa.
Inikkan gundaway ti Manila RTC ti petition for bail nga agsina nga impila da Teves ken dagiti co-accused na a da Richard Cuadra ken Rolando Pinili gapu ta napaay a paneknekan ti prosekusyon ti napigsa nga evidence of guilt kontra kadakuada.
Iti baet ti daytoy, agtalinaed ni Teves iti detention idiay Bureau of Jail Management and Penology compound, Camp Bagong Diwa gapu iti sabali pay a pending murder charges pakairamanan ti panagpatay ken dati a Negros Oriental Gov. Roel Degamo.
Inkeddeng ti korte ti piyansa a P500, 000 para ken ni Teves idinto a da Cuadra ken Pinili ket sag-P250, 000.
-- ADVERTISEMENT --
