--Ads--
Naiyakar inton Agosto 18 ti arraignment ni dati a Department of Public Works and Highways (DPWH) Secretary Manuel Bonoan bayat nga iyur-uray ti Sandiganbayan Second Division ti komento ti depensa iti kiddaw ti prosekusyon nga ikkaten kas co-accused iti graft case ni Senador Jinggoy Estrada mainaig ti maipagarup a flood control kickback scheme.
Segun ken ni Presiding Justice Geraldine Econg, matratar ti oral arguments iti mosion ti prosekusyon inton sumaruno a panagdenggeg.
Immunan nga imbasura ti Sandiganbayan ti kiddaw ti prosekusyon a baliwan ti charge sheet ken ikkaten ni Bonoan kas akusado.
Daytoy ket gapu ta posible a maapektaran ti karbengan ni Estrada a na-arraign iti salinong ti orihinal a reklamo.
-- ADVERTISEMENT --
