Posible a manipud kadagiti kontratista ti kickback a maipagarup a naipatulod ken ni Senador Jinggoy Estrada mainaig kadagiti flood control project, segun ken ni National Bureau of Investigation (NBI) Agent Atty. Ivan Samson iti Sandiganbayan.
Pinasingkedan ni Samson, saanda a naipakita nga adda natibker a relasion dagiti kontratista ken dagiti engineer ng Department of Public Works and Highways (DPWH) a maipagarup a nabilin a mangippatulod ti kuwarta iti senador.
Inamin pay ti opisial nga awan ti nalawag a money trail a naan-anay tapno maammuan no mabukel ken mapaneknekan ti kaso kontra iti agpampanday linteg.
Impakaammo ni Samson iti umuna nga aldaw ti bail hearing para ken ni Estrada ken ti kaduana nga akusado a DPWH engineers mainaig ti sangsangoen da a plunder charges.
