Makibin-binulig ti Philippine National Police iti agduduma nga ahensia ti gobierno ken international law enforcement organizations tapno beripikaen ti damag a pannakakemmeg ni dati nga Ako Bicol party-list Representative Zaldy Co idiay Prague, Czech Republic.
Segun ken ni PNP Chief Police General Jose Melencio C. Nartatez Jr., maisaysayangkat ti beripikasion babaen ti opisial a channel tapno masigurado ti detalye ti nadakamat nga insidente.
Nakasagana ti PNP a mangted ti kasapulan a tulong ken suporta kadagiti legal process pakairamanan ti koordinasion iti posible a pannaka-isubli ni Co dituy Pilipinas, kas panangsurot ti bilin ni Presidente Ferdinand Marcos Jr.
Immuna a pinasingkedan ni presidente Marcos ti pannakakemmeg ti dati nga agpampanday linteg kalpasan ti maipagarup a panagserrek na iti Czech Republic nga awan ti naan-anay a dokumento.
