Saan a gagem a mang-harass ti sinuman ti statement ti Commission on Audit iti notice of disallowance iti disbursement ti Office of the Vice President a P73 milyon a confidential funds idi 2022 ken dimmalan iti due process, segun ken ni House Committee on Public Accounts chairperson Terry Ridon.
Dinepensaran ni Ridon ti findings ti COA ket impaganetget na a saan a politically motivated.
Maipalagip nga imbaga ti opisial iti Intelligence and Confidential Funds Audit Office ti COA iti House Committee on Justice nga adda notice of disallowance iti disbursement ti OVP iti P73 milyon confidential funds manipud Disyembre 21 agingga 31, 2022.
Pinasingkedan ni Ridon a ti findings ti COA ket napateg iti agtultuloy nga impeachment proceedings kontra ken ni Bise Presidente Sara Duterte.
Nagkedked met nga ag-komento ti kampo ti bise presidente ti nadakamat nga isyu.
