Tinulongan ti Department of Social Welfare and Development (DSWD) Field Office 8-Eastern Visayas dagiti naapektaran iti pannakapainget ti dalan gapu ti emergency repair ti San Juanico Bridge.
Segun ken ni Assistant Secretary Irene Dumlao iti Disaster Response Management Group iti DSWD, nakaiteden ti ahensya iti 211 a karton ti family food packs nga aggatad ti P135,472.55 nga stranded iti lugar.
Babaen ti bilin ni Secretary Rex Gatchalian ket insigida nga inted ti Field Office-8 iti FFP kadagiti amin nga apektado a trucker, porter, driver ken pasahero.
Naammoan ti opisyal ti DRMG a pinadaras ti DSWD Eastern Visayas ti profiling ken assessment dagiti strandees babaen ti Family Access Card in Emergencies and Disasters.
Ti FACED ket maysa a profiling strategy iti panagkolekta ti demographic ken socioeconomic data iti disaster-vulnerable ken disaster-affected a pamilia kas iti naganda, edad, gender, edukasyon ken sapul kasta payen ti post-disaster data ken impormasyon mainaig iti tulonga a naawat.
