Naipaayen ti Department of Social Welfare and Development (DSWD) iti P2.89 million a gatad ti tulong ti relief items kadagiti pamilia a naapektaran iti nakaru a tudo idiay Mindanao gapu ti Intertropical Convergence Zone kas kinuna ti maysa nga opisyal.
Segun ken ni DSWD Spokesperson Assistant Secretary Irene Dumlao, kasaruno ti bilin ni President Ferdinand Marcos Jr. ket agtultuloy iti pannakikammayetda kadagiti local government units tapno maipaay iti insigida a tulong ken paglag-anan dagiti apektado a pamila.
Manipod May 15 agingga 18 ket apektado iti ITCZ dagiti pamilia manipod Zamboanga Peninsula, Northern Mindanao, Davao Region, Soccsksargen, ken Bangsamoro Autonomous Region in Muslim Minanao.
Kinuna ni Dumlao a dagiti DSWD Field Offices kadagiti apektado a rehiyon ket naka-high alert tapno masigurado a maited dagiti family food packs ken essential non-food items kadagiti nadidigra a pamilia.
