Nagbaallaag ti Department of Social Welfare and Development (DSWD) iti publiko kontra kadagiti saan nga otorisado nga indibidual wenno grupo a mangididiaya iti tulong iti panagproseso ti travel clearance para kadagiti menor de edad nga agbibiahe iti sabali a pagilian.
Babaen ti Central Processing Office-Minors Travelling Abroad, pinalagipan ti departamento dagiti nagannak ken guardian nga agtalinaed a nasiput ken naannad kadagiti maaw-awagan a fixers a mangibagbaga a mabalinda a mapadaras ti proseso iti MTA clearance.
Kinuna ti pannakangiwat ti DSWD a saan nga ipalubos iti departamento iti siasinoman nga ahenta iti third-party nga agproseso kadagiti aplikasyon iti naganda, ta ti pannakipagtransaksyon kadagiti saan nga otorisado nga indibidual ket posible nga agpeggad ti personal ken sensitibo nga impormasyon kadagiti aplikante.
Pinasingkedan ni Assistant Secretary Irene Dumlao iti kinapateg iti husto a proseso iti panag-secure iti travel clearance para kadagiti agbibiahe a menor de edad.
