Nadunor ti nagmaneho iti motorsiklo ta nakadinnungparna iti maysa a van idiay Barangay Napo, Magsingal, Ilocos Sur idi kalman January 1, 2026.
Ti driver ti white Toyota HiAce ket lalaki nga agtawen-iti-limapulo ket pito nga agnaed idiay Barangay Napo, Sto. Domingo idinto a ti driver iti blue Honda CBR 150R ket lalaki nga agtawen-iti-tallopulo ket uppat, awanan ti driver’s license ken saan a nagaramat ti helmet, agnaed idiay Barangay Napo, Magsingal.
Agpapadaya a direksyon ti van idinto nga adda iti bangir a direksyon ti motorsiklo ket idi nadanon iti agsikko a paset ti kalsada immagaw ti nakamotor iti linya ti van a gappuanan iti panagdinnungparda.
Nagsagaba ti dunor iti akin-kannigid a tumeng ken natukkol iti akin-kannigid a pattukanan a ramay (middle finger) ti driver ti motorsiklo isu a naipan iti Ilocos Sur District Hospital, Magsingal idinto a saan a naan-ano ti driver ti van.
Naammoan a naka-inom iti arak ti driver ti motorsiklo idi napasamak iti aksidente.
