--Ads--
Natay ti maysa a drayber ti motorsiklo gapu iti pannaka-aksidentena idiay Sitio Almasan, Barangay Lacong, Tagudin, Ilocos Sur.
Nabigbig ti drayber a ni Christian Paul Castro Viñas, agtawen iti duapulo ket dua, taga-Barangay Bimmanga, Tagudin.
Agpapa-amianan ti motorsiklo ket idi nagtengna ti nakapasamakan ti insidente kangrunaan iti kurbada a paset ti kalsada, saan a nakontrol ti drayber ti manibelana isu a naguyas iti amianan nga outer lane sa naidungpar iti road sign.
Gapu dayta, nadunor ti nadumaduma a paset ti bagi ti drayber a naitaray iti ospital ngem natay bayat ti pannakatamingna.
-- ADVERTISEMENT --
Natakuatan a ti drayber ket nakainom idi maaksidente.
