Nag-positibo iti gunpowder residue ti maysa a volunteer ti National Bureau of Investigation a nakemmeg mainaig iti napasamak a panagpaputok ti paltog iti uneg ti Senado.
Segun ken ni SPD Public Information Office chief Police Lt. Margaret Panaga, basar iti naisayangkat nga imbestigasion, “positive iti presence ti gunpowder” ti suspek a nabigbig a ni alyas na “Mel Oragon.”
Nakemmeg ti suspek kalpasan ti insidente ken naidalan iti inquest proceedings gapu iti kaso a panaglabsing iti Republic Act 10591 wenno Comprehensive Firearms and Ammunition Regulation Act, alarm and scandal, direct assault, trespass to property, ken panaglabsing iti security protocols ti Senado.
Kabayatanna, inlawlawag ti abogado ken asawa ti suspek a maysa laeng a driver isuna ti maysa nga NBI operative’s ken saan a regular nga empleyado ti ahensia.
