Vida, mamati nga agtalinaed iti puwesto iti baet ti isyu a Cabinet revamp

Kumpiyansa ni Justice Secretary Fredderick Vida nga agtalinaed isuna iti puwesto kas Secretary ti Department of Justice (DOJ).

Daytoy ket iti baet ti damag nga adda mangsukat kenkuana iti nadakamat a puwesto.

Pinasingkedan ni Vida nga spekulasion laeng daytoy gapu ta adu pay dagiti maaw-awat na a bilin isu nga agtultuloy latta isuna nga agtrabaho.

Innayon na a saan nga ammo no sadino ken sino ti naggapuan na ti nadakamat a damag, ngem impasigurado na nga agtrabaho isuna a nasayaat para kadagiti Pilipino ken para iti Presidente.