Pinasingkedan ti Department of Tourism a makatulong dagiti nalaka a tour packages tapno mangallukoy ti publiko nga agbiahe ken mapapigsa ti ekonomiya uray ngumatngato ti presio ti langis ken magatang.
Segun ken ni DOT Undersecretary Shahlimar Hofer Tamano, napateg ti lokal a biahe gapu ta maipakita daytoy dagiti tourist destination ken mapapigsa ti relasion ti tourism stakeholders.
Adda tallo nga aldaw a travel fair a daytoy ket regular a programa ti Tourism Promotions Board tapno papigsaen ti lokal nga ekonomiya babaen iti promosion ti turismo.
Pinasingkedan ni Tamano a napateg a plataporma ti regional travel fair iti panangpapigsa ti lokal nga ekonomiya ken maipakita daytoy ti kabaelan ti sektor ti turismo a makasabay kadagiti panagbaliw kangrunaan idi panawen ti ekonomiya ken agdama a krisis.
